مکمل شاعری

شکوہ کرنے کی خو نہ تھی اپنی

پر طبیعت ہی کچھ بھر آئی آج

بات کچھ ہم سے بن نہ آئی آج

بول کر ہم نے منہ کی کھائی آج

چپ پر اپنی بھرم تھے کیا کیا کچھ

بات بگڑی بنی بنائی آج

بزم ساقی نے دی الٹ ساری

خوب بھر بھر کے خم لنڈھائی آج

غالب آتا ہے نفس دوں یا شرع

دیکھنی ہے تری خدائی آج

معصیت پر ہے دیر سے یا رب

نفس اور شرع میں لڑائی آج

چور ہے دل میں کچھ نہ کچھ یارو

نیند پھر رات بھر نہ آئی آج

زد سے الفت کی بچ کے چلنا تھا

مفت حالیؔ نے چوٹ کھائی آج

— الطاف حسین حالی