مکمل شاعری

مجھ کو تم سے اعتماد وفا

تم کو مجھ سے پر التفات نہیں

قیس ہو کوہ کن ہو یا حالیؔ

عاشقی کچھ کسی کی ذات نہیں

یوں ہی گزرے تو سہل ہے لیکن

فرصت غم کو بھی ثبات نہیں

ذرہ ذرہ ہے مظہر خورشید

جاگ اے آنکھ دن ہے رات نہیں

اب وہ اگلا سا التفات نہیں

جس پہ بھولے تھے ہم وہ بات نہیں

کوئی دل سوز ہو تو کیجے بیاں

سرسری دل کی واردات نہیں

رنج کیا کیا ہیں ایک جان کے ساتھ

زندگی موت ہے حیات نہیں

— الطاف حسین حالی