مکمل شاعری

یہ فلک یہ ماہ و انجم یہ زمین یہ زمانہ

ترے حسن کی حکایت مرے عشق کا فسانہ

تجھے حادثات پیہم سے بھی کیا ملے گا ناداں

ترا دل اگر ہو زندہ تو نفس بھی تازیانہ

یہ مرا پیام کہنا تو صبا مودبانہ

کہ گزر گیا ہے پیارے تجھے دیکھے اک زمانہ

یہ ہے عشق کی کرامت یہ کمال شاعرانہ

ابھی منہ سے بات نکلی ابھی ہو گئی فسانہ

مجھے چاک جیب و دامن سے نہیں مناسبت کچھ

یہ جنوں ہی کو مبارک رہ و رسم عامیانہ

وہ ادائے دلبری ہو کہ نوائے عاشقانہ

جو دلوں کو فتح کر لے وہی فاتح زمانہ

— جگر مراد آبادی