مکمل شاعری
خود ہوئی گم ہمیں بھی کھو بیٹھی
نگہ بازیاب نے مارا
عشق کے ہر سکون آخر کو
حسن کے اضطراب نے مارا
زندگی تھی حجاب کے دم تک
برہمئ حجاب نے مارا
میں ترا عکس ہوں کہ تو میرا
اس سوال و جواب نے مارا
خود نظر بن گئی حجاب نظر
ہائے اس بے حجاب نے مارا
کوئی پوچھے کہ رہ کے پہلو میں
تیر کیا اضطراب نے مارا
ستم کامیاب نے مارا
کرم لا جواب نے مارا
بچ رہا جو تری تجلی سے
اس کو تیرے حجاب نے مارا
سب کو مارا جگرؔ کے شعروں نے
اور جگرؔ کو شراب نے مارا
اب نظر کو کہیں قرار نہیں
کاوش انتخاب نے مارا
— جگر مراد آبادی