مکمل شاعری

مانوس ہو چلے ہیں جو دل کی صدا سے ہم

شاید کہ جی اٹھے تری آواز پا سے ہم

مخصوص کس کے واسطے ہے رحمت تمام

پوچھیں گے ایک دن یہ کسی پارسا سے ہم

رکھتے ہیں خضر سے نہ غرض رہ نما سے ہم

چلتے ہیں بچ کے دور ہر اک نقش پا سے ہم

او مست ناز حسن تجھے کچھ خبر بھی ہے

تجھ پر نثار ہوتے ہیں کس کس ادا سے ہم

یا رب نگاہ شوق کو دے اور وسعتیں

گھبرا اٹھے جمال جہت آشنا سے ہم

یہ کون چھا گیا ہے دل و دیدہ پر کہ آج

اپنی نظر میں آپ ہیں ناآشنا سے ہم

— جگر مراد آبادی