مکمل شاعری

رات آتی رہتی ہے دن نکلتا رہتا ہے

اور خدا کے بندوں کا کام چلتا رہتا ہے

پھر رہا ہوں بستی میں یہ پتہ لئے کب سے

اک چراغ اس گھر میں دن کو جلتا رہتا ہے

ایک گھر ہے میں جس میں رہتا ہوں خوش و خرم

ایک بات ہے جس سے دل دہلتا رہتا ہے

میں بھی آسمانوں میں روز اضافہ کرتا ہوں

وہ بھی ان زمینوں کا رخ بدلتا رہتا ہے

زیست کی تمازت میں شاخ مرگ سے آگے

راہرو ٹھہرتا ہے رستہ چلتا رہتا ہے

عشق کرنے والوں کو صرف یہ سہولت ہے

کچھ نہ کرنے سے بھی کچھ دل بہلتا رہتا ہے

میں بساط دنیا کو جب لپیٹ دیتا ہوں

کوئی دوسرا مجھ میں گھر بدلتا رہتا ہے

— جمال احسانی