مکمل شاعری

یں بہت ٹوٹ چکی ہوں وہ سمیٹے آ کر

ان چمکتے ہوئے ریزوں کو اٹھا لے آ کر

میں نے تنہائی کے جتنے بھی گھروندے کھینچے

تیرے احساس کی اک موج مٹا دے آ کر

کس طرف ہے مری معصوم انا کا دشمن

وہ بھی رو دے مجھے اس وقت جو دیکھے آ کر

ہائے وہ کرب کہ جو تشنۂ تحریر رہا

ہائے وہ حرف جو قرطاس پہ ٹوٹے آ کر

ہائے وہ خواب کہ جو قرض رہے آنکھوں پر

ہائے وہ رنگ جو تو نے نہیں دیکھے آ کر

عمر گزری ہے کھلونے ہی سجاتے مجھ کو

کوئی تو ہو کہ انہیں توڑ بھی ڈالے آ کر

— عشرت آفریں