مکمل شاعری
لگا دو آگ عذر مصلحت کو
کہ ہے بے زار اس شے سے مرا دل
جفاکاری ہے تسلیم ستم بھی
نہ ہوگا تابع جور و جفا دل
نہ پہنچے گی کبھی کیا گوش گل تک
قفس سے اڑ کے فریاد عنا دل
بڑی درگاہ کا سائل ہوں حسرتؔ
بڑی امید ہے میری بڑا دل
مٹے افکار گوناگوں کے جھگڑے
ترے غم کو نہ دے کیونکر دعا دل
تو انائے صداقت ہے تو ہرگز
نہ ہوگا پیرو باطل مرا دل
لگا کر آنکھ اس جان جہاں سے
نہ ہوگا اب کسی سے آشنا دل
قوی دل شادماں دل پارسا دل
ترے عاشق نے بھی پایا ہے کیا دل
— حسرتؔ موہانی