مکمل شاعری
مضطرب ہم بھی رہے رات تڑپ کر کافی
دل بھی بے چین رہا ان کی جو آئیں آنکھیں
اب وہ فرماتے ہیں کب میں نے دکھائیں آنکھیں
آپ نے مفت میں رو رو کے سجائیں آنکھیں
رات مجھ ملزم پابوس کو از راہ کرم
سرزنش کچھ بھی نہ کی خود وہ لجائیں آنکھیں
حسن مغرب میں ہمیں ساعد و گیسو کے سوا
اور بھی کچھ نظر آیا تو وہ بھائیں آنکھیں
داغ لگ جائے گا دامان وفا میں حسرتؔ
تم نے دیکھو جو کہیں اور لگائیں آنکھیں
— حسرتؔ موہانی