مکمل شاعری
نہیں معلوم کیا اے شاہ خوباں
تجھے کچھ حال اپنے مبتلا کا
بجائے اسم اعظم آپ کا نام
وظیفہ ہے مرا صبح و مسا کا
غضب کا سامنا ہے عاشقوں کو
دیار حق میں افواج بلا کا
کہاں تک ناز اٹھائے آخر اے حسن
ہوس تیرے مزاج خود ستا کا
طلب میری بہت کچھ ہے، مگر کیا
کرم تیرا ہے اک دریا عطا کا
اٹھایا ہے مزا دل نے بہت کچھ
محبت کے غم راحت فزا کا
دعا میں ذکر کیوں ہو مدعا کا
کہ یہ شیوہ نہیں اہل رضا کا
گنہ گارو چلو عفو الٰہی
بہت مشتاق ہے عرض خطا کا
تری محفل میں اہل دل کو جلوہ
نظر آ جائے گا شان خدا کا
نثار ان پر ہوئے اچھے رہے ہم
تقاضا تھا یہی خوئے وفا کا
جفا کو بھی وفا سمجھو کہ حسرتؔ
تمہیں حق ان سے کیا چون و چرا کا
— حسرتؔ موہانی