مکمل شاعری

ہم سے کیونکر وہ آستانہ چھٹے

مدتوں جس پہ جبہ سائی کی

ہو کے نادم وہ بیٹھے ہیں خاموش

صلح میں شان ہے لڑائی کی

اس تغافل شعار سے حسرتؔ

ہم میں طاقت نہیں جدائی کی

کیا کیا یہ کہ اہل شوق کے ساتھ

تو نے کی بھی تو بے وفائی کی

چھپ کے اس نے جو خود نمائی کی

انتہا تھی یہ دل ربائی کی

دام سے ان کے چھوٹنا تو کہاں

یاں ہوس بھی نہیں رہائی کی

مائل غمزہ ہے وہ چشم سیاہ

اب نہیں خیر پارسائی کی

دل نے برسوں بہ جستجوئے کمال

کوچۂ عشق میں گدائی کی

— حسرتؔ موہانی