مکمل شاعری
یاد ہر حال میں رہے وہ مجھے
الغرض بات رہ گئی دل کی
آپ نے قدر کچھ نہ کی دل کی
اڑ گئی مفت میں ہنسی دل کی
ان سے کچھ تو ملا وہ غم ہی سہی
آبرو کچھ تو رہ گئی دل کی
خو ہے از بس کہ عاشقی دل کی
غم سے وابستہ ہے خوشی دل کی
چین سے محو خواب ناز میں وہ
بیکلی ہم نے دیکھ لی دل کی
ہمہ تن صرف ہوشیارئ عشق
کچھ عجب شے ہے بے خودی دل کی
مر مٹے ہم نہ ہو سکی پوری
آرزو تم سے ایک بھی دل کی
مل چکی ہم کو ان سے داد وفا
جو نہیں جانتے لگی دل کی
وہ جو بگڑے رقیب سے حسرتؔ
اور بھی بات بن گئی دل کی
— حسرتؔ موہانی