مکمل شاعری

نا قدریٔ جہاں سے کئی بار آ کے تنگ

اک عمر شعر سے رہا بیزار مصحفیؔ

دیتے ہیں داد غیر کو کب اہل لکھنؤ

کب داد کا تھا ان سے طلب گار مصحفیؔ

اک شخص با ضمیر مرا یار مصحفیؔ

میری طرح وفا کا پرستار مصحفیؔ

رہتا تھا کج کلاہ امیروں کے درمیاں

یکسر لئے ہوئے مرا کردار مصحفیؔ

میں نے بھی اس گلی میں گزاری ہے رو کے عمر

ملتا ہے اس گلی میں کسے پیار مصحفیؔ

دربار میں تھا بار کہاں اس غریب کو

برسوں مثال میرؔ پھرا خوار مصحفیؔ

— حبیب جالب