مکمل شاعری

تو کہ دیوانۂ صداقت تھا

تو نے بندے کو کب خدا مانا

تجھ کو پروا نہ تھی زمانے کی

تو نے دل ہی کا ہر کہا مانا

تجھ کو خود پہ تھا اعتماد اتنا

خود ہی کو تو نہ رہنما مانا

میرؔ و غالبؔ کے بعد انیسؔ کے بعد

تجھ کو مانا بڑا بجا مانا

ہم نے دل سے تجھے سدا مانا

تو بڑا تھا تجھے بڑا مانا

ہنس دیا سطح ذہن عالم پر

جب کسی بات کا برا مانا

کی نہ شب کی کبھی پذیرائی

صبح کو لائق ثنا مانا

یوں تو شاعر تھے اور بھی اے جوشؔ

ہم نے تجھ سا نہ دوسرا مانا

— حبیب جالب