مکمل شاعری

ہنسنے پہ نہ مجبور کرو لوگ ہنسیں گے

حالات کی تفسیر تو چہرے پہ لکھی ہے

اک عمر سنائیں تو حکایت نہ ہو پوری

دو روز میں ہم پر جو یہاں بیت گئی ہے

مل جائیں کہیں وہ بھی تو ان کو بھی سنائیں

جالبؔ یہ غزل جن کے لیے ہم نے کہی ہے

جب کوئی کلی صحن گلستاں میں کھلی ہے

شبنم مری آنکھوں میں وہیں تیر گئی ہے

اپنی تو اجالوں کو ترستی ہیں نگاہیں

سورج کہاں نکلا ہے کہاں صبح ہوئی ہے

بچھڑی ہوئی راہوں سے جو گزرے ہیں کبھی ہم

ہر گام پہ کھوئی ہوئی اک یاد ملی ہے

جس کی سر افلاک بڑی دھوم مچی ہے

آشفتہ سری ہے مری آشفتہ سری ہے

— حبیب جالب