مکمل شاعری

تری دید سے سوا ہے ترے شوق میں بہاراں

وہ چمن جہاں گری ہے ترے گیسوؤں کی شبنم

دل و جاں فدائے راہے کبھی آ کے دیکھ ہمدم

سر کوئے دل فگاراں شب آرزو کا عالم

یہ جفائے غم کا چارہ وہ نجات دل کا عالم

ترا حسن دست عیسیٰ تری یاد روئے مریم

یہ عجب قیامتیں ہیں ترے رہ گزر میں گزراں

نہ ہوا کہ مر مٹیں ہم نہ ہوا کہ جی اٹھیں ہم

لو سنی گئی ہماری یوں پھرے ہیں دن کہ پھر سے

وہی گوشۂ قفس ہے وہی فصل گل کا ماتم

— فیض احمد فیض