مکمل شاعری

مر گئے لاکھوں گلا خود کاٹ کر

اللہ اللہ تیغ قاتل کا نفاذ

پہلے دیکھ آئینہ اے آئینہ رو

جانچ پھر مد مقابل کا نفاذ

آپ کے دل کا مرے دل کا نفاذ

کیا کرے مقتول و قاتل کا نفاذ

نوحؔ غرق بحر الفت ہو گئے

کام آیا کچھ نہ ساحل کا نفاذ

پھر گئے ناوک بھی ان کے دیکھ کر

میرے دل میں حسرت دل کا نفاذ

جذب کامل عشق میں ہے خاص چیز

ہو نہ کیوں کر جذب کامل کا نفاذ

پھر گیا مجھ کو زباں دے کر کوئی

کھل گیا یوں اوپری دل کا نفاذ

اشک آنکھوں سے رکیں ممکن نہیں

دل ہی تک محدود ہے دل کا نفاذ

جادۂ عشق و وفا میں چاہئے

رہروؤں پر شوق منزل کا نفاذ

ہم نے پایا ہم نے دیکھا جا بہ جا

عشق صادق حسن کامل کا نفاذ

پاؤں رکھنا مجھ کو مشکل ہو گیا

تھا یہ حکم میر محفل کا نفاذ

— داغؔ دہلوی