مکمل شاعری
کثرت مجمع اغیار سے محروم رہا
نہ ہوا بزم میں مجھ تک گزر جام شراب
محتسب دے گا جواب اپنے ستم کا تو کیا
کل جو کوثر پہ ہوا داد گر جام شراب
مست و سرشار کو سرشار سنبھالے کیا خاک
نہ تھمی دست سبو سے کمر جام شراب
بزم سے آخر شب ہے سفر جام شراب
شام غربت ہوئی ساقی سحر جام شراب
یہ بھی اے محتسب اس لال پری کا ہے اثر
اڑ کے پہنچی ہے جو تجھ تک خبر جام شراب
نہیں معلوم کہ اے داغؔ ہے تو کس دھن میں
نہ تلاش بت مہ وش نہ سر جام شراب
بزم دشمن میں رہے آپ تو صوفی بن کر
سرخ آنکھوں میں کہاں ہے اثر جام شراب
— داغؔ دہلوی