مکمل شاعری
شمع روشن ہے ہماری آہ سے
لو لگائے بیٹھے ہیں اللہ سے
چلتے ہیں کیا کیا وہ رستہ کاٹ کر
جب گزرتے ہیں ہماری راہ سے
کیوں نہ رکھوں میں تبرک کی طرح
غم ملا ہے عشق کی درگاہ سے
خوب صورت ہو کے تم لڑنے لگے
بحث ہے دن رات مہر و ماہ سے
ایک بوسہ پر ہمیں ٹالیں نہ آپ
کچھ علاوہ دیجئے تنخواہ سے
مانگ کر تجھ کو بہت نادم ہوا
مانگنا تھا اور کچھ اللہ سے
تو نے واعظ زندگی دشوار کی
کیوں کیا واقف خدا کی راہ سے
— داغؔ دہلوی