مکمل شاعری

یہ کہتے ہیں بلبل سے وہ گل ہاتھ میں لے کر

تو دیکھ ملا کر اسے گالوں سے ہمارے

اول تو رہے دور وہ نالوں سے ہمارے

پاس آئے تو گھبرائے سوالوں سے ہمارے

کیا برہنہ پا دشت میں لاکھوں بھی نہ ہوں گے

کانٹوں کو مگر چھیڑ ہے چھالوں سے ہمارے

کہتی ہیں وہ آنکھیں صف مژگاں کو بڑھا کر

ہے کون جو روکش ہو رسالوں سے ہمارے

ہر وقت نئی دھن ہے ہمیں تازہ تصور

جاؤ گے کہاں بچ کے خیالوں سے ہمارے

اے داغؔ فلک دشمن ارباب ہنر ہے

ظالم کو خبر ہو نہ کمالوں سے ہمارے

— داغؔ دہلوی