مکمل شاعری

کتاب دل کو دیمک لگ گئی ہے

تمہارا نام کیا ہے ڈھونڈھتا ہوں

مری قیمت زمین و آسماں ہے

بہت انمول ہوں پھر بھی بکا ہوں

بڑا مخلص ہوں پابند وفا ہوں

کسی کی سادگی پر رو پڑا ہوں

ہزاروں داغ ہیں میرے بدن پر

نہ جانے کس کے دل کا راستہ ہوں

نہ جانے گفتگو کیا گل کھلائے

تمہاری خامشی سے جل گیا ہوں

چھلکتا جام ہوں پھر بھی ہوں پیاسا

میں اپنے آپ میں اک کربلا ہوں

کمالؔ اس قتل گاہ روشنی میں

ہزاروں بار میں بجھ کر جلا ہوں

— بشیر بدر