مکمل شاعری

یہ بھی پانی ہے مگر آنکھوں کا ایسا پانی

جو ہتھیلی سے رچی مہندی چھڑا کر لے جائے

منتظر پھول میں خوشبو کی طرح ہوں کب سے

کوئی جھونکے کی طرح آئے اڑا کر لے جائے

خواب ان آنکھوں سے اب کوئی چرا کر لے جائے

قبر کے سوکھے ہوئے پھول اٹھا کر لے جائے

میں محبت سے مہکتا ہوا خط ہوں مجھ کو

زندگی اپنی کتابوں میں چھپا کر لے جائے

خاک انصاف ہے نا بینا بتوں کے آگے

رات تھالی میں چراغوں کو سجا کر لے جائے

ان سے کہنا کہ میں پیدل نہیں آنے والا

کوئی بادل مجھے کاندھے پہ بٹھا کر لے جائے

— بشیر بدر