مکمل شاعری

ان کو آئینہ بنایا دھوپ کا چہرہ مجھے

راستہ پھولوں کا سب کو آگ کا دریا مجھے

جس طرح واپس کوئی لے جائے اپنی چھٹیاں

جانے والا اس طرح سے کر گیا تنہا مجھے

چاند چہرہ زلف دریا بات خوشبو دل چمن

اک تمہیں دے کر خدا نے دے دیا کیا کیا مجھے

تم نے دیکھا ہے کسی میرا کو مندر میں کبھی

ایک دن اس نے خدا سے اس طرح مانگا مجھے

میری مٹھی میں سلگتی ریت رکھ کر چل دیا

کتنی آوازیں دیا کرتا تھا یہ دریا مجھے

— بشیر بدر