مکمل شاعری

پھول اگر پیروں کے نیچے آئیں گے

آنکھوں کی بینائی کم ہو جائے گی

ایک سواری آئے گی اک جائے گی

باری باری سب کی باری آئے گی

تھوڑی دیر میں ایک چراغوں کی تھالی

کالی بلی سر پر رکھ کر آئے گی

سوکھے پھولوں سے سینے کو ڈھانپے گی

ٹوٹے پتوں کی پشواز بنائے گی

پت جھڑ کے پیلے پیلے سونے سے لدی

پکے بالوں والی عورت آئے گی

آہستہ چلنے میں اب دم گھٹتا ہے

ٹھہروں گا تو سانس مری رک جائے گی

پانی کو گندہ کرنے سے کیا حاصل

تیری بھی پرچھائیں دھندلا جائے گی

— بشیر بدر