مکمل شاعری

محبت عداوت وفا بے رخی

کرائے کے گھر تھے بدلتے رہے

لپٹ کر چراغوں سے وہ سو گئے

جو پھولوں پہ کروٹ بدلتے رہے

مرے راستوں میں اجالا رہا

دیے اس کی آنکھوں میں جلتے رہے

کوئی پھول سا ہاتھ کاندھے پہ تھا

مرے پاؤں شعلوں پہ چلتے رہے

وہ کیا تھا جسے ہم نے ٹھکرا دیا

مگر عمر بھر ہاتھ ملتے رہے

مسافر کے رستے بدلتے رہے

مقدر میں چلنا تھا چلتے رہے

سنا ہے انہیں بھی ہوا لگ گئی

ہواؤں کے جو رخ بدلتے رہے

— بشیر بدر