مکمل شاعری

آسماں زمیں رکھ کر دونوں ایک مٹھی میں

اک ذرا سی لڑکی نے پیار کی خدائی دی

یہ تنک مزاجی تو خیر اس کی فطرت ہے

ورنہ اس نے چاہت بھی ہم کو انتہائی دی

ہم غریب لوگوں کے آج بھی وہی دن ہیں

پہلے کیا اسیری تھی آج کیا رہائی دی

پیار کی نئی دستک دل پہ پھر سنائی دی

چاند سی کوئی صورت خواب میں دکھائی دی

بارشوں کے چہرے پر آنسوؤں سے لکھنا ہے

کچھ نہ کوئی پڑھ پائے ایسی روشنائی دی

کس نے میری پلکوں پہ تتلیوں کے پر رکھے

آج اپنی آہٹ بھی دیر تک سنائی دی

یہ تناؤ قدرت نے دو دلوں میں کیوں رکھا

مجھ کو کج کلاہی دی اس کو کج ادائی دی

— بشیر بدر