مکمل شاعری
مری نظر میں رہے ڈوبنے کا منظر بھی
غروب ہوتا ہوا آفتاب دے جاؤ
پھر اس کے بعد نظارے نظر کو ترسیں گے
وہ جا رہا ہے خزاں کے گلاب دے جاؤ
ہزار صفحوں کا دیوان کون پڑھتا ہے
بشیر بدرؔ کا کوئی انتخاب دے جاؤ
اداس رات ہے کوئی تو خواب دے جاؤ
مرے گلاس میں تھوڑی شراب دے جاؤ
میں زرد پتوں پہ شبنم سجا کے لایا ہوں
کسی نے مجھ سے کہا تھا حساب دے جاؤ
بہت سے اور بھی گھر ہیں خدا کی بستی میں
فقیر کب سے کھڑا ہے جواب دے جاؤ
ادب نہیں ہے یہ اخبار کے تراشے ہیں
گئے زمانوں کی کوئی کتاب دے جاؤ
— بشیر بدر