مکمل شاعری

اتر بھی آؤ کبھی آسماں کے زینے سے

تمہیں خدا نے ہمارے لیے بنایا ہے

وہ چاندنی کا بدن خوشبوؤں کا سایا ہے

بہت عزیز ہمیں ہے مگر پرایا ہے

تمام عمر مرا دل اسی دھوئیں میں گھٹا

وہ اک چراغ تھا میں نے اسے بجھایا ہے

مہک رہی ہے زمیں چاندنی کے پھولوں سے

خدا کسی کی محبت پہ مسکرایا ہے

کہاں سے آئی یہ خوشبو یہ گھر کی خوشبو ہے

اس اجنبی کے اندھیرے میں کون آیا ہے

اسے کسی کی محبت کا اعتبار نہیں

اسے زمانے نے شاید بہت ستایا ہے

— بشیر بدر