مکمل شاعری

میں ہر حال میں مسکراتا رہوں گا

تمہاری محبت اگر ساتھ ہوگی

جہاں وادیوں میں نئے پھول آئے

ہماری تمہاری ملاقات ہوگی

چراغوں کی لو سے ستاروں کی ضو تک

تمہیں میں ملوں گا جہاں رات ہوگی

چراغوں کو آنکھوں میں محفوظ رکھنا

بڑی دور تک رات ہی رات ہوگی

کہاں آنسوؤں کی یہ سوغات ہوگی

نئے لوگ ہوں گے نئی بات ہوگی

مسافر ہیں ہم بھی مسافر ہو تم بھی

کسی موڑ پر پھر ملاقات ہوگی

صداؤں کو الفاظ ملنے نہ پائیں

نہ بادل گھریں گے نہ برسات ہوگی

پریشاں ہو تم بھی پریشاں ہوں میں بھی

چلو مے کدے میں وہیں بات ہوگی

— بشیر بدر