مکمل شاعری

بیٹھیے پیڑوں کی اترن کا الاؤ تاپئے

برگ سوزاں کے سوا درویش کچھ رکھتا نہیں

چین کا دشمن ہوا اک مسئلہ میری طرف

اس نے کل دیکھا تھا کیوں اور آج کیوں دیکھا نہیں

بس یوں ہی اک وہم سا ہے واقعہ ایسا نہیں

آئنے کی بات سچی ہے کہ میں تنہا نہیں

اپنی اپنی سب کی آنکھیں اپنی اپنی خواہشیں

کس نظر میں جانے کیا جچتا ہے کیا جچتا نہیں

اب جہاں لے جائے مجھ کو جلتی بجھتی آرزو

میں بھی اس جگنو کا پیچھا چھوڑنے والا نہیں

کیسی کیسی پرسشیں انورؔ رلاتی ہیں مجھے

کھیتیوں سے کیا کہوں میں ابر کیوں برسا نہیں

اف چٹخنے کی صدا سے کس قدر ڈرتا ہوں میں

کتنی باتیں ہیں کہ دانستہ جنہیں سوچا نہیں

— انور مسعود