مکمل شاعری

بستیوں میں اک صدائے بے صدا رہ جائے گی

بام و در پہ نقش تحریر ہوا رہ جائے گی

رو بہ رو منظر نہ ہوں تو آئینے کس کام کے

ہم نہیں ہوں گے تو دنیا گرد پا رہ جائے گی

آنسوؤں کا رزق ہوں گی بے نتیجہ چاہتیں

خشک ہونٹوں پر لرزتی اک دعا رہ جائے گی

بے ثمر پیڑوں کو چومیں گے صبا کے سبز لب

دیکھ لینا یہ خزاں بے دست و پا رہ جائے گی

خواب کے نشے میں جھکتی جائے گی چشم قمر

رات کی آنکھوں میں پھیلی التجا رہ جائے گی

— امجد اسلام امجد