مکمل شاعری
گردش سے ہے مہر و مہ کے ثابت
ان کو بھی ہے جستجو تمہاری
پھولوں میں اگر ہے بو تمہاری
کانٹوں میں بھی ہوگی خو تمہاری
چٹکا جو چمن میں غنچۂ گل
بو دے گئی گفتگو تمہاری
مشتاق سے دور بھاگتی ہے
اتنی ہے اجل میں خو تمہاری
تنہا نہ پھرو امیرؔ شب کو
ہے گھات میں ہر عدو تمہاری
آنکھوں سے کہو کمی نہ کرنا
اشکوں سے ہے آبرو تمہاری
دو دن میں گلو بہار کیا کی
رنگت وہ رہی نہ بو تمہاری
لو سرد ہوا میں نیم بسمل
پوری ہوئی آرزو تمہاری
اس دل پہ ہزار جان صدقے
جس دل میں ہے آرزو تمہاری
سب کہتے ہیں جس کو لیلۃ القدر
ہے کاکل مشک بو تمہاری
— امیر مینائی