مکمل شاعری

اللہ اللہ یہ کبر اور یہ غرور

کیا خدا کا ہے دوسرا واعظ

چپ بھی ہو بک رہا ہے کیا واعظ

مغز رندوں کا کھا گیا واعظ

تیرے کہنے سے رند جائیں گے

یہ تو ہے خانۂ خدا واعظ

بے خطا میکشوں پہ چشم غضب

حشر ہونے دے دیکھنا واعظ

ہجو مے کر رہا تھا منبر پر

ہم جو پہنچے تو پی گیا واعظ

رہ چکا میکدے میں ساری عمر

کبھی مے خانے میں بھی آ واعظ

ہم ہیں قحط شراب سے بیمار

کس مرض کی ہے تو دوا واعظ

آج کرتا ہوں وصف مے میں امیرؔ

دیکھوں کہتا ہے اس میں کیا واعظ

دخت رز کو برا مرے آگے

پھر نہ کہنا کبھی سنا واعظ

— امیر مینائی