مکمل شاعری

مدت میں شام وصل ہوئی ہے مجھے نصیب

دو چار سال تک تو الٰہی سحر نہ ہو

اے ضبط دیکھ عشق کی ان کو خبر نہ ہو

دل میں ہزار درد اٹھے آنکھ تر نہ ہو

اک پھول ہے گلاب کا آج ان کے ہاتھ میں

دھڑکا مجھے یہ ہے کہ کسی کا جگر نہ ہو

ڈھونڈے سے بھی نہ معنی باریک جب ملا

دھوکا ہوا یہ مجھ کو کہ اس کی کمر نہ ہو

الفت کی کیا امید وہ ایسا ہے بے وفا

صحبت ہزار سال رہے کچھ اثر نہ ہو

طول شب وصال ہو مثل شب فراق

نکلے نہ آفتاب الٰہی سحر نہ ہو

— امیر مینائی