مکمل شاعری

نہ فقر کے لیے موزوں، نہ سلطنت کے لیے

وہ قوم جس نے گنوائی متاع تیموری

سنے نہ ساقئ مہوش تو اور بھی اچھا

عیار گرمی صحبت ہے حرف معذوری

کمال ترک نہیں آب و گل سے مہجوری

کمال ترک ہے تسخیر خاکی و نوری

حکیم و عارف و صوفی تمام مست ظہور

کسے خبر کہ تجلی ہے عین مستوری

میں ایسے فقر سے اے اہل حلقہ باز آیا

تمہارا فقر ہے بے دولتی و رنجوری

برا نہ مان، ذرا آزما کے دیکھ اسے

فرنگ دل کی خرابی خرد کی معموری

وہ ملتفت ہوں تو کنج قفس بھی آزادی

نہ ہوں تو صحن چمن بھی مقام مجبوری

— علامہ اقبال