مکمل شاعری
سکون دل سے سامان کشود کار پيدا کر
کہ عقدہ خاطر گرداب کا آب رواں تک ہے
جواني ہے تو ذوق ديد بھي ، لطف تمنا بھي
ہمارے گھر کي آبادي قيام ميہماں تک ہے
وہ مے کش ہوں فروغ مے سے خود گلزار بن جائوں
ہوائے گل فراق ساقي نامہرباں تک ہے
چمن زار محبت ميں خموشي موت ہے بلبل!
يہاں کي زندگي پابندي رسم فغاں تک ہے
چمن افروز ہے صياد ميري خوشنوائي تک
رہي بجلي کي بے تابي ، سو ميرے آشياں تک ہے
زمانے بھر ميں رسوا ہوں مگر اے وائے ناداني!
سمجھتا ہوں کہ ميرا عشق ميرے رازداں تک ہے
کہوں کيا آرزوئے بے دلي مجھ کو کہاں تک ہے
مرے بازار کي رونق ہي سودائے زياں تک ہے
جرس ہوں ، نالہ خوابيدہ ہے ميرے ہر رگ و پے ميں
يہ خاموشي مري وقت رحيل کارواں تک ہے
وہ مشت خاک ہوں ، فيض پريشاني سے صحرا ہوں
نہ پوچھو ميري وسعت کي ، زميں سے آ سماں تک ہے
— علامہ اقبال