مکمل شاعری

جمع کر خرمن تو پہلے دانہ دانہ چن کے تو

آ ہي نکلے گي کوئي بجلي جلانے کے ليے

اس چمن ميں مرغ دل گائے نہ آزادي کا گيت

آہ يہ گلشن نہيں ايسے ترانے کے ليے

پاس تھا ناکامي صياد کا اے ہم صفير

ورنہ ميں ، اور اڑ کے آتا ايک دانے کے ليے!

وائے ناکامي ، فلک نے تاک کر توڑا اسے

ميں نے جس ڈالي کو تاڑا آشيانے کے ليے

آنکھ مل جاتي ہے ہفتاد و دو ملت سے تري

ايک پيمانہ ترا سارے زمانے کے ليے

دل ميں کوئي اس طرح کي آرزو پيدا کروں

لوٹ جائے آسماں ميرے مٹانے کے ليے

لائوں وہ تنکے کہيں سے آشيانے کے ليے

بجلياں بے تاب ہوں جن کو جلانے کے ليے

— علامہ اقبال