مکمل شاعری
اسی سے تیغ نگہ آب دار ہوتی ہے
تجھے بتاؤں بڑی شے ہے جرأت انکار
نشاط صبح بہاراں تجھے نصیب نہیں
ترے نگہ میں ہے بیتی ہوئی شبوں کا خمار
فروخت ہوتی ہے انسانیت سی جنس گراں
جہاں کو پھونک نہ دے گی یہ گرمئ بازار
کھلے ہیں مشرق و مغرب کی گود میں گلزار
مگر خزاں کو میسر نہیں یقین بہار
یہی ہے زینت و آرائش عروس سخن
مگر فریب بھی دیتی ہے شوخئ گفتار
کیے ہیں شوق نے پیدا ہزار ویرانے
اک آرزو نے بسائے ہیں لاکھ شہر دیار
خبر نہیں ہے بموں کے بنانے والوں کو
تمیز ہو تو مہ و مہر و کہکشاں ہیں شکار
— علی سردار جعفری