مکمل شاعری

اے وطن خاک وطن وہ بھی تجھے دے دیں گے

بچ گیا ہے جو لہو اب کے فسادات کے بعد

آئے ہم غالبؔ‌ و اقبالؔ کے نغمات کے بعد

مصحفؔ عشق و جنوں حسن کی آیات کے بعد

نار نمرود یہی اور یہی گلزار خلیل

کوئی آتش نہیں آتش کدۂ ذات کے بعد

رام و گوتم کی زمیں حرمت انساں کی امیں

بانجھ ہو جائے گی کیا خون کی برسات کے بعد

تشنگی ہے کہ بجھائے نہیں بجھتی سردارؔ

بڑھ گئی کوثر و تسنیم کی سوغات کے بعد

— علی سردار جعفری