مکمل شاعری
انسان کی غفلت کم نہ ہوئی قانون فنا کی عبرت سے
ہر گام پہ کتنے پاؤں بھی ہیں اور سر بھی اٹھائے جاتا ہے
کچھ سوچ نہیں کچھ ہوش نہیں فتنوں کے سوا کچھ جوش نہیں
وہ لوٹ کے بھاگا جاتا ہے یہ آگ لگائے جاتا ہے
دنیا کا ذرا یہ رنگ تو دیکھ ایک ایک کو کھائے جاتا ہے
بن بن کے بگڑتا جاتا ہے اور بات بنائے جاتا ہے
اس کو نہ خبر کچھ اس کی ہے اس کو ہے نہ کچھ پروا اس کی
روتا ہے رلائے جاتا ہے ہنستا ہے ہنسائے جاتا ہے
— اکبر الہ آبادی