مکمل شاعری
اب تک سمجھ رہے ہیں دل میں مجھے مسلماں
قائم ہنوز یہ بت اپنے گمان پر ہیں
دنیا بدل گئی ہے وہ ہیں ہمیں کہ اب تک
اپنے مقام پر ہیں اپنے مکان پر ہیں
دل اپنی ضد پہ قائم وہ اپنی آن پر ہیں
جتنی مصیبتیں ہیں سب میری جان پر ہیں
عالم ہے بے خودی کا مے کی دکان پر ہیں
ساقی پہ ہیں نگاہیں ہوش آسمان پر ہیں
یہ صورتیں تمہاری یہ ناز یہ ادائیں
قربان اے بتو ہم خالق کی شان پر ہیں
شکر خدا کہ ان کے قدموں پہ سر ہے اپنا
اس وقت کچھ نہ پوچھو ہم آسمان پر ہیں
اسلوب نظم اکبرؔ فطرت سے ہے قریں تر
الفاظ ہیں محل پر معنی مکان پر ہیں
— اکبر الہ آبادی