مکمل شاعری

تعلق عاشق و معشوق کا تو لطف رکھتا تھا

مزے اب وہ کہاں پاتی رہی بی بی میاں ہو کر

نہ تھی مطلق توقع بل بنا کر پیش کر دو گے

مری جاں لٹ گیا میں تو تمہارا مہماں ہو کر

انہیں شوق عبادت بھی ہے اور گانے کی عادت بھی

نکلتی ہیں دعائیں ان کے منہ سے ٹھمریاں ہو کر

نکالا کرتی ہیں گھر سے یہ کہہ کر تو تو مجنوں ہے

ستا رکھا ہے مجھ کو ساس نے لیلی کی ماں ہو کر

حقیقت میں میں بلبل ہوں مگر چارے کی خواہش میں

بنا ہوں ممبر کونسل یہاں مٹھو میاں ہو کر

رقیب سفلہ خو ٹھہرے نہ میری آہ کے آگے

بھگایا مچھروں کو ان کے کمروں سے دھواں ہو کر

— اکبر الہ آبادی