مکمل شاعری
تربیت میری زمیں نے کی ہے
میں خلاؤں میں لپکنا چاہوں
جتنے تاریک گھروندے ہیں وہاں
دل کی قندیل جلانا چاہوں
بخشوانے کو گناہ آدم
پھر سے فردوس میں جانا چاہوں
خشک پتے نہ شجر سے چھینے
بس یہ احسان ہوا کا چاہوں
دوزخ انسان پہ ہو جائے حرام
رب سے یہ وعدۂ فردا چاہوں
مرا ہر کام الگ دنیا سے
جس کو چاہوں اسے تنہا چاہوں
کائناتیں مرے خوابوں کی اسیر
اور قدرت سے میں کتنا چاہوں
ایک ماحول اچھوتا چاہوں
صحن کے نام پہ صحرا چاہوں
ہجر کی کتنی تمازت ہے ندیمؔ
اب کسی یاد کا سایا چاہوں
میری ضد کون کرے گا پوری
شام کو صبح کا تارا چاہوں
— احمد ندیم قاسمی