مکمل شاعری

اس افق پر نہ اگر جنت موعودہ ملی

اس افق تک بھی جو چاہو تو سفر کر دیکھو

بزم انساں میں بھی اک رات بسر کر دیکھو

ایک بار اپنی زمیں پر بھی اتر کر دیکھو

خود کو دیکھو مرے معیار کے آئینے میں

اک ذرا مجھ پہ یہ احسان بھی دھر کر دیکھو

موسم گل ہے تو کردار چمن کیوں بدلے

آگ پھولوں کو تو شبنم کو شرر کر دیکھو

کوئی ڈوبی ہوئی کشتی ہے کہ ساحل کا نشاں

اپنی سوچوں کے سمندر سے ابھر کر دیکھو

ہر زمانے میں بجھے تو نہیں رہتے خورشید

گردشو آج مری شب کو سحر کر دیکھو

— احمد ندیم قاسمی