مکمل شاعری
سناٹے اڑا دیتے ہیں آواز کے پرزے
باروں کو اگر دشت مصیبت میں پکاروں
ہر سوچ پہ خنجر سا گزر جاتا ہے دل سے
حیراں ہوں کہ سوچوں تو کس انداز میں سوچوں
ملتی نہیں جب موت بھی مانگے سے تو یا رب
ہو اذن تو میں اپنی صلیب آپ اٹھا لوں
پھولوں سے لہو کیسے ٹپکتا ہوا دیکھوں
آنکھوں کو بجھا لوں کہ حقیقت کو بدل دوں
آنکھیں تو دکھاتی ہیں فقط برف سے پیکر
جل جاتی ہیں پوریں جو کسی جسم کو چھو لوں
چہرے ہیں کہ مرمر سے تراشی ہوئی لوحیں
بازار میں یا شہر خموشاں میں کھڑا ہوں
حق بات کہوں گا مگر اے جرأت اظہار
جو بات نہ کہنی ہو وہی بات نہ کہہ دوں
— احمد ندیم قاسمی