مکمل شاعری

کون تھے آخر جو منزل کے قریب

آئنے کی چادریں پھیلا گئے

بس وہی معمار فردا ہیں ندیمؔ

جن کو میرے ولولے راس آ گئے

اک پہیلی کا ہمیں دے کر جواب

اک پہیلی بن کے ہر سو چھا گئے

پھر وہی اختر شماری کا نظام

ہم تو اس تکرار سے اکتا گئے

کس تجلی کا دیا ہم کو فریب

کس دھندلکے میں ہمیں پہنچا گئے

ان کا آنا حشر سے کچھ کم نہ تھا

اور جب پلٹے قیامت ڈھا گئے

رہنماؤ رات ابھی باقی سہی

آج سیارے اگر ٹکرا گئے

ہائے خوابوں کی خیاباں سازیاں

آنکھ کیا کھولی چمن مرجھا گئے

پھر بھیانک تیرگی میں آ گئے

ہم گجر بجنے سے دھوکا کھا گئے

کیا رسا نکلی دعائے اجتہاد

وہ چھپاتے ہی رہے ہم پا گئے

— احمد ندیم قاسمی