مکمل شاعری
کس چاہت سے زہر تمنا مانگا تھا
اور اب ہاتھوں میں ساغر افسوس کا ہے
جاناں دل کا شہر نگر افسوس کا ہے
تیرا میرا سارا سفر افسوس کا ہے
قربت کے اس پیڑ کی شاخوں پر دیکھو
پھول اداسی کا ہے ثمر افسوس کا ہے
ہم نے عشق گناہ سے برتر جانا تھا
اور دل پر پہلا پتھر افسوس کا ہے
ہار کے دکھ سے پچھتاوا بڑھ کر ہے فرازؔ
دکھ کا نہیں افسوس مگر افسوس کا ہے
اک دہلیز پہ جا کر دل خوش ہوتا تھا
اب تو شہر میں ہر اک در افسوس کا ہے
— احمد فراز