مکمل شاعری

اپنوں نے تج دیا ہے تو غیروں میں جا کے بیٹھ

اے خانماں خراب نہ تنہا شراب پی

اے دل گرفتۂ غم جاناں سبو اٹھا

اے کشتۂ جفائے زمانہ شراب پی

اک مہرباں بزرگ نے یہ مشورہ دیا

دکھ کا کوئی علاج نہیں جا شراب پی

اے تو کہ تیرے در پہ ہیں رندوں کے جمگھٹے

اک روز اس فقیر کے گھر آ شراب پی

بادل گرج رہا تھا ادھر محتسب ادھر

پھر جب تلک یہ عقدہ نہ سلجھا شراب پی

تو ہم سفر نہیں ہے تو کیا سیر گلستاں

تو ہم سبو نہیں ہے تو پھر کیا شراب پی

کل ہم سے اپنا یار خفا ہو گیا فرازؔ

شاید کہ ہم نے حد سے زیادہ شراب پی

کل ہم نے بزم یار میں کیا کیا شراب پی

صحرا کی تشنگی تھی سو دریا شراب پی

دو جام ان کے نام بھی اے پیر میکدہ

جن رفتگاں کے ساتھ ہمیشہ شراب پی

— احمد فراز