مکمل شاعری

ایسی کچھ چپ سی لگی ہے جیسے

ہم تجھے حال سنانے آئے

اجنبی دوست ہمیں دیکھ کہ ہم

کچھ تجھے یاد دلانے آئے

پھول کھلتے ہیں تو ہم سوچتے ہیں

تیرے آنے کے زمانے آئے

کیا کہیں پھر کوئی بستی اجڑی

لوگ کیوں جشن منانے آئے

تیری باتیں ہی سنانے آئے

دوست بھی دل ہی دکھانے آئے

عشق تنہا ہے سر منزل غم

کون یہ بوجھ اٹھانے آئے

سو رہو موت کے پہلو میں فرازؔ

نیند کس وقت نہ جانے آئے

دل دھڑکتا ہے سفر کے ہنگام

کاش پھر کوئی بلانے آئے

اب تو رونے سے بھی دل دکھتا ہے

شاید اب ہوش ٹھکانے آئے

— احمد فراز